اروزګان: د ترینکوټ – خاص اروزګان ولسوالۍ غځېدلی سړک د ترافیکو پرمخ پرانیستل شو
د اروزګان ولایت د ترینکوټ – خاص اروزګان ولسوالۍ سړک، چې د چکه جوی په سیمه کې د ورستیو شدیدو بارانونو او سیلابونو د راوتلو له کبله د موټرو پر مخ بند شوی و، نن د دغه ولایت د ټولګټو ریاست د ماشینرۍ او تخنیکي پرسونل په هڅو بیرته د ترافیکو د تګ راتګ پرمخ پرانیستل شو او هیوادوال کولای شي چې پر دغه مسیر تګ راتګ وکړي.
ټولګټو وزارت هڅه کوي، تر څو درنو هیوادوالو ته له شته امکاناتو څخه په ګټې اخیستنې سره غوره ترانسپورتي اسانتیاوې رامنځته کړي.
د ټولګټو وزارت رسنیز دفتر
