د ایبک – رویدوآب سړک د اساسي رغونې قرارداد د څه باندې ۶۴۱ میلیونه افغانیو په ارزښت لاسلیک شو
د سمنګان ولایت د ایبک – روی دوآب سړک چې ۲۰ کیلومتره اوږدوالی لري، د اساسي رغونې قرارداد یې د ډیزاین بلډ په بڼه د ۶۴۱ میلیونه او ۶۷۰ زره افغانیو په ارزښت، د ا.ا.ا د ټولګټو وزارت او دوو ساختماني او سړک جوړوونکو شرکتونو ترمنځ د ګډ مشارکت (JV) په ډول لاسلیک شو.
یاد سړک د سمنګان ولایت له مرکز، ایبک ښار څخه پیلېږي او د همدې ولایت تر روی دوآب ولسوالۍ پورې غځېږي، چې ټاکل شوې ده د دوو کلونو په موده کې بشپړ او ګټې اخیستنې ته وسپارل شي.
د یادونې وړ ده، چې قراردادي شرکتونو ته د کار د پیل رسمي مکتوب ورکړل شوی او د قرارداد د شرایطو له مخې مکلف دي چې د ۷۵ ورځو په موده کې د دې پروژې د سروې او ډیزاین چارې بشپړې کړي.
د ایبک – روی دوآب سړک د سمنګان ولایت له مهمو نښلوونکو سړکونو څخه دی، چې د خلکو تګ راتګ اسانه کوي، د ترانسپورټ وخت او لګښت کموي، د سیمې سوداګري پیاوړې کوي او د خلکو اقتصادي حالت د ښه کولو ترڅنګ د روغتیايي او تعلیمي خدمتونو لاسرسی هم اسانه کوي.
