د بلخ – جوزجان لویې لارې د ۵۵ کیلو متره سړک د داغګیري کار پیل شو
د ټولګتو وزارت لخوا، د بلخ – جوزجان لویې لارې د ۵۵ کیلومتره سړک د ویجاړو برخو د داغګیرۍ او څلورو تلو ته د غځېدلي سړکونو د کانکریټ اچونې کار د دغه ولایت د مرستیال والي او یو شمېر نورو سیمه اییزو مسؤولینو په حضور کې پیل شو. د یادې ترمیماتي پروژې کار د ټولګټو وزارت او یوه خصوصي ودانیز شرکت ترمنځ د څه باندې ۱۴ میلیونه افغانیو په ارزښت قرارداد شوی، چې تر راتلونکي څلورو میاشتو پورې به یې چارې بشپړي شي. د دغې پروژې د کار په جریان کې به د سیمې یو شمېر اوسېدونکو ته د کار زمینه برابره شي او له بشپړېدو سره به یې، د خلکو ترانسپورتي ستونزې د پخوا په پرتله هوارې شي. ٫٫٫
