د تخار د ینګي کلا ـ چاه آب سړک رغنیز کار دوام لري
د د تخار ولایت د ینګي کلا او چاه آب ولسوالیو تر منځ غځيدلي سړک د جوړلو چارې له ۲۷.۳۶ سلنه پرمختګ سره دوام لري، یاد سړک چې ۱۰ متر پلنوالی او په بیلابیلو اندازو کې ۵۲ پایې پُلګټو او دغه راز ۲۵۶۰ متره ستنادي دیوال هم لري.
دا پروژه چې د ماورای کوکچه سړک څلورمه برخه ده، د افغانستان حکومت په مالي مرسته له یوه خصوصي ودانیز شرکت سره تړون شوي.
د یاد سړک په بشپړيدو به د سیمې ګڼ کلي له یو بل سره ونښلي او دغه راز به د خلګو په ټولنیز او اقتصادي ژوند کې د پام وړ مثبت بدلون رامنځته شي.
د ټولګټو وزارت ـ کابل
د وري ۵مه ۱۴۰۰
