د روزګان بلاغ پُل رغنیزې چارې بشپړي او ګټې اخیستنې ته چمتو دی
د رزګان ولایت مرکز ترینکوټ اړوند بلاغ سیمه کې یو پایه پُل چې ۷۲ متره اوږدوالی او ۷ متره سور تر څنګ ۳۵۰۰ متره د پُل ساتونکی دیوال هم لري چې اوس مهال یې رغنیزې چارې بشپړې او نږدې راتلونکې کې به ګټې اخیستنې ته وسپارل شي.
دا پُل چې د رزګان ولایت مرکز ترینکوټ ښار له چارچینو او دهراود ولسولیو سره نښلوي رغنیزي چارې یې د افغانستان حکومت په مالي لګښت د څه باندې ۳۴ میلیونه افغانیو په ارزښت له یوه خصوصي ودانیز شرکت سره تړون شوی چې اوس مهال یې کار بشپړ او ګټې اخیستنې ته چمتو دی.
د یاد پُل د رغنیز کار په جریان کې د سیمو خلکو ته پر کارې بوختیاوو سربیره به اوس د سیمې خلک وکولی شې تر څو خپل کرنیز محصولات په خوندې او تر پخوا په چټک ډول ترینکوټ ښار او له هغه ځایه د هیواد نورو ولایتونو ته ولیږدوي.
همدارنګه یاد پل به د ترینکوټ ښار او ولسوالیو تر منځ به اوږد واټن لنډ کړي او دغه راز به د چارچینو او دهراود ولسیوالیو اوسېدوونکې به پوهنې او روغتیایې خدمتونو ته تر پخوا په اسانه ډول لاس رسی ولري.
د یادونې وړ ده، ټولګټو وزارت پلان لري تر څو هغو سیمو ته د سړکونو او پلونو په رغونه کې پاملرنه زیاته کړي چې تر دمه ورته لیږ یا هیڅ پاملرنه نه ده شوي.
د وري ۱۶، ۱۴۰۰
ټولګټو وزارت ـ کابل
