د غور-هرات سړک رغنیزې چارې دوام لري
دا سړک چې له غور څخه د هر ات ولایت په لور غځیدلی، د چغچران – ګردندیوال یا ختیځ ـ لویدیځ د ملي پروژې یوه برخه ده. چې د ۱۱ کیلومتره اوږدوالي او ۹ متره پلنوالي په درلودلو سره د غور ـ هرات له سړک څخه پیل تر باژګونه کلي پورې غځېدلی، د یاد سړک په اوږدو کې یوه پایه سل متره پُل او په بېلابېلو اندازو کې ۴۶ پُل ګوټي شامل دي.
د یادې پروژې ټول مالي لګښت د افغانستان دولت له لوري ورکول کېږي، چې د رغونې تړون یې له یوه خصوصي ودانیز شرکت سره د څه باندې ۸۰۹ میلیونه افغانیو په ارزښت شوی او تر دې مهاله یې رغنیزې چارې په ښه توګه مخې ته روانې دي.
دا پروژه چې د ختیځ ـ لویدیځ دهلیز بشپړونکي ده، پرمټ به یې میدان وردګ، بامیان، دایکنډي، غور او هرات ولایتونه پر خپل منځي نښلون سربیره به د پلازمېنې کابل او لویدیځو ولایتونو تر منځ واټن لنډ کړي او همدارنګه به د سیمه اییز اتصال په پیاوړتیا، منظم ټرانسپورټي سیسټم په رامنځته کولو او د سوداګریزو توکو په لېږد را لېږد کې به بنسټیز رول تر سره کړي.
د ټولګټو وزارت مطبوعاتي څانګه
