د ننګرهار ولايت د هجرت کلي سړک جوړولو چارې ۱۷ فيصده مخته تللې دي
د ننګرهار ولايت د هجرت کلي سړک جوړولو چارې ۱۷ فيصده مخته تللې دي
دا پروژه د ۱۸۵ ميليونه افغانۍ په ارزښت د يو خصوصي ساختماني شرکت سره قرارداد شوې چې په دوه برخو کې جوړيږي.
لومړۍ برخه يې د درونټې بازار څخه تر هجرت کلي پورې غځيدلې ده، ۴ کيلومتره اوږدوالى، ۶ متره سور، ۱۵ پايه پلچک، ۹۰ متره استنادي ديوال او ۱.۲ متره د سړک دواړه څنډې لري.
دوهمه برخه يې د سرخ آب پل څخه تر درونټې بازار پورې غځيدلې ده، ۲ کيلومتره اوږدوالى، ۹ متره سور، ۲ متره ګلدان، او ۲ متره پلي تګ لاره، ۱۵ پلچکونه او ۱۷۰ متره استنادي ديوال لري.
د دغه سړک جوړول کاري فرصتونه، په زراعت، سوداګرۍ کې او په مصٶنه توګه د اجناسو انتقال، ټولنيزو خدماتو ته لاسرسى او اقتصادي وده رامنځته کوي او ترافيکي ازدحام را کمه وي.
نوموړې پروژه د افغانستان حکومت لخوا تمويل کيږي چې تر اوسه يي ۱۷ فيصده چارې مخته تللې دي.
