د هیواد د سړکونو او لویو لارو د نن ورځې وضعیت:
د سالنګ لویه لار:
د سالنګ لویه لاره د ترافیکو د تګ راتګ پرمخ پرانیستې ده، دا مهال مسافر وړونکي موټر د ځنځیر (چین) په تړلو سره له دواړو لورو او له ټیلر پرته نور بار وړونکي موټر له شمال څخه جنوب ته تګ کولی شي.
بامیان: د حاجیګک کوتل، د ورس پل – قناق کوتل، دشت دیوالي – پنجاب بازار، د ابقل کرمان او بند امیر مسیرونه د واورو له امله په لنډمهاله توګه بند دي، چې دا مهال یې د پاکولو چارې دوام لري.
غور: د غور – هرات لویه لار د تګ راتګ پرمخ پرانیستې ده او د بندبکک مسیر د واوري پاکولو کار جریان لري.
د یادونې وړ ده، چې د هیواد نور ټول نښلونکي سړکونه او لویې لارې د ترافیکو د تګ راتګ پرمخ پرانیستې دي او د ټولګټو وزارت د ولایتي ریاستونو لخوا د بېلابېلو سړکونو او لویو لارو د واورې پاکولو کار جریان لري.
