د هېواد په یو شمېر ولایتونو کې د سړکونو او لویو لارو څخه د سېلابونو د رسوبي موادو پاک کاري جریان لري
د وروستیو اورښتونو او سېلابونو راوتلو له امله، د هېواد په یو شمېر ولایتونو کې د سړکونو مخې ته رسوبي مواد راوتلي وو، چې د اړوند ولایتونو د تولګټو ریاستونو له لوري یې د پاک کارۍ چارې په چټکۍ سره روانې دي.
د خوست ولایت د تڼیو ولسوالۍ سړک او د کنړ ولایت اړوند د اسعد آباد – جلال آباد سړک د شولډرونو پاک کاري، د تخار ولایت اړوند د فرخار – ورسج او د بدخشان ولایت د فیض آباد - بهارک سړکونو له سطحې څخه د سیلابي رسوباتو پاک کاري، د کنړ ولایت اړوند او د بلخ ولایت د حیرتان مسیر څخه د روانو شګو( ریګونو) پاک کاري په چټکۍ سره جریان لري.
ټولګټو وزارت تل هڅه کوي، چې د اورښتونو او سېلابونو د راوتلو پر مهال د هېواد لویې لارې او سړکونه د ترافیکو پرمخ پرانیستې وساتي او درنو هېوادوالو ته د لویو لارو او د نښلوونکو ولایتي سړکونو څخه د تګ را تګ پر مهال بشپړې آسانتیاوې برابرې کړي، ترڅو هېوادوال له ځنډ او خنډ سره مخ نشي.
