د ټولګټو وزارت لخوا د سمنګان ولایت په خرم او سارباغ ولسوالۍ کې دملاعلي پُل د بیارغونې چارې پیل شوې
د ټولګټو وزارت لخوا د سمنګان ولایت اړوند د خرم او سارباغ ولسوالۍ کې د ملاعلي پُل چې څه موده وړاندې د سیلابونو له امله ویجاړ شوی و، دا مهال یې د بیا رغونې چارې د سمنګان ولایت د ټولګټو ریاست محترم رئیس او یو شمیر سیمه ییزو مسؤلانو په شتون کې پیل شوې.
دغه پل چې ۳۶ متره اوږد والی او ۶.۲ متره پلنوالی لرې چې د بیا رغونې چارې یې د شاوخوا ۲۹ میلیونه افغانیو په ارزښت له خصوصی سکتورسره قرارداد شوې دي.
یاد پل د ورستیو ورښتونو او سیلابونو له امله ویجاړ شوی و، چې په بیا رغونې سره به یې د خلکو شته ستونزې ترډیره حده کمې شي.
د سیمې خلک د یادې پروژېې پرتطبیق خوښي څرکندوي او وایې: د ا.ا.ا په راتګ سره د دغې ولسوالۍ د اوسیدونکو ستونزې د پخوا په پرتله ډیرې کمې شوي دي او د دا ډول نورو پروژو د تطبیق غوښتنه هم کوي.
ټولګټو وزارت تل هڅه کوي چې د لویو لارو، سړکونو او اوسپنې پټلۍ په رغونه او بیارغونې سره درنو هېواد والو ته بشپړې آسانتیاوې رامنځ ته کړي.
