د کابل ــ لوګر دویم لین، دویم لاټ سړک رغنیزې چارې ۹۳ سلنه بشپړې شوې دي
د کابل – لوګر دویم لین دویم لاټ سړک، چې ۲۴.۱۵۰ کیلومتره اوږدوالی، ۱۰ متره پلنوالی او ۸۹ پایې پُلګوټي لري، د لوګر ولایت له محمدآغې ولسوالۍ څخه پیل او د دې ولایت تر مرکز پل علم ښار پورې غځېدلي دی، چې اوس مهال یې رغنیزې کار ۹۳ سلنه پرمختګ لري.
د کابل - لوګر دویم لین سړک، رغنیزې چارې د ټولګټو وزارت لخوا له یو خصوصي ودانیز شرکت سره تړون شوي چې مالي لګښت یې د هیواد له پراختیایي بودیجې څخه ورکول کیږي.
د سړک یاده پروژه د هېواد له مهمو او ملي پروژو څخه ده، چې سویل ختیځ ولایتونه له پلازمېنې کابل سره نښلوي او د اقتصادي زون په توګه به د لوګر ولایت په اقتصادې وده کې ګټور تمام شي همدارنګه به د میسو د کان په استخراج، د ځنغوزیو په لیږد او د ټرافیکې پېښو د کموالي په برخه کې اساسي او مهم رؤل ولوبوي.
