د کندهار – هلمند د دویم لین سړک د دویمې او درېیمې برخې د جوړولو چارې د ۵۲ کیلومتره اوږدوالي سره جریان لري

kalim_admin
سه‌شنبه ۱۴۰۵/۷/۷ - ۱۳:۳۲
د کندهار – هلمند د دویم لین سړک د دویمې او درېیمې برخې د جوړولو چارې د ۵۲ کیلومتره اوږدوالي سره جریان لري

د کندهار – هلمند (باغ پل – ګرشک) د دویم لین سړک د دویم او درېیم لاټونو د اساسي رغونې چارې ۵۲ کیلومتره اوږد والي سره  د ا.ا.ا د ټولګټو وزارت له لوري له خصوصي سکتور سره قرارداد شوې دي او په بېلابېلو برخو کې یې چارې په منظم ډول جریان لري.

د کندهار –  هلمند (باغ پل – ګرشک ) دویم لین سړک ټولټال ۱۰۴ کیلومتره اوږدوالی لري، چې د کندهار له باغ پل سیمې څخه پیلېږي او د ګرشک تر دوراهي پورې غځېدلی دی. اوس مهال یې د دویمې او درېیمې برخې د جوړولو چارې په عملي ډول روانې دي او د پاتې برخو د رغونې کاریې هم د ټولګټو وزارت په پلان کې شامل دی.

د دې سړک دویمه برخه ۲۶ کیلومتره اوږدوالی، ۷.۳ متره پلنوالی او په دواړو غاړو کې ۳-۳ متره د سړک غاړې (شولډرونه) لري، چې په اوږدو کې یې د ۸۱ پایو پلګوټو د جوړولو چارې هم شاملې دي او تر دا مهاله یې  د ۵۴ پایو پلګوټو چارې بشپړې شوې او د پاتې نورو چارې یې هم په چټکۍ سره روانې دي. یاده پروژه ۳۰ سلنه فزیکي پرمختګ لري.

دغه راز د یاد سړک درېیمه برخه هم ۲۶ کیلومتره اوږدوالی لري، چې په اوږدو کې یې د یوه پایه ۴۰ متره پل، ۶۸ پایو پلګوټو او د ۲۰۰ مترو په اوږدوالي او ۱۲.۵ مترو په  پلنوالي سره د دوو واشونو د جوړولو چارې هم شاملې دي.

د یادونې وړده چې تر دامهاله د یادې برخې د ۶۶ پایو پلګوټو د رغونې چارې بشپړې شوې او د پاتې نورو برخو چارې یې هم په منظم ډول روانې دي. د سړک دغه برخه  ۲۵ سلنه فزیکي پرمختګ لري.

ټولګټو وزارت هڅه کوي، چې د هېواد د ترانسپورتي زېربناوو په برخه کې د پراختیايي پروژو په پلي کولو سره هېوادوالو ته د اسانه او خوندي تګ راتګ او سوداګرو ته د سوداګریزو توکو د هوسا لېږد رالېږد زمینه برابره کړي.

...

۱ کال 2 میاشتې ago

...

تازه خبرونه

چهارشنبه ۱۴۰۵/۸/۶ - ۱۵:۲۷
Background image

د کندهار – هلمند لویې لارې د دویم لین سړک د آسفالټ چارې پیل شوې

د کندهار – هرات لویې لارې د دویم لین سړک اړوند، د کندهار ولایت له باغ پل څخه د هلمند ولایت تر ګرشک دوراهي سیمې پورې د دویم او درېیم لاټ ۵۲ کیلومتره سړک د رغونې چارې د ا.ا.ا د ټولګټو. . .

چهارشنبه ۱۴۰۵/۸/۶ - ۱۳:۵۴
Background image

په تله میاشت کې د اوسپنیزې لارې څخه ۸۲۸۹۶۸ مټریک ټنه انتقالات شوي دي

د ۱۴۰۵ هـ.ش. کال د تلې/ میزان مياشتې له پيله تر پايه د افغانستان د اوسپنیزې لارې څخه ۸۲۸۹۶۸ مټریک ټنه انتقالات شوي دي.

د حیرتان بندر له لارې ۵۳۶۴۳۰ ټنه، د آقینې بندر له لارې ۶۱۹۵۱ ټنه،. . .

سه‌شنبه ۱۴۰۵/۸/۵ - ۱۴:۵۱
Background image

د بلخ ولایت د چهار بولک ولسوالۍ سړک د ترمیم او داغګیرۍ چارې د ۷ میلیونه افغانیو په ارزښت پيل شوې

د ا.ا.ا د ټولګټو وزارت له لوري د بلخ ولایت د چهار بولک ولسوالۍ ۶ کیلومتره سړک د ترمیم او داغګیرۍ چارې د ۷ میلیونه افغانیو په ارزښت له خصوصي سکتور سره قرارداد شوي دي چې دامهال د بلخ. . .

BACK TO NEWS