سړکونه ملي شتمني ده ساتنه او پالنه يې د هر افغان ملي وجيبه ده
خوستي ځوانان د خپل ملي احساس او هېوادنۍ مینې له مخې د سړکونو ویجاړ شوې برخې بیرته رغوي.
د خوست د یعقوبیو او صبریو ولسوالۍ هڅاند ځوانان د سړک ویجاړې شوې برخې ترمیموي او په دې کار سره خپل ملي مسوولیت ترسره کوي.
د عامه شتمنیو ساتنه د ټولو افغانانو دنده دی، چې باید ځانګړې پاملرنه ورته وکړي. د هېواد سړکونه هم د ملي شتمنۍ تر ټولو مهمه برخه ده، چې باید ساتنې او څارنې ته یې زیاته پاملرنه وشي.
د ټولګټو وزارت رهبري د خوست له بااحساسه ځوانانو مننه کوي او همهاله پر نورو هېوادوالو غږ کوي، چې د سړکونو د ساتنې او څارنې په برخه کې له یاد وزارت سره تلپاتې همکاري وکړي.
