په سمنګانو کې دریو د ساتنې او څارنې پروژو کار د ۳۲ میلیونه افغانیو په ارزښت پیل شو
د ټولګټو وزارت له لوري، په سمنګانو ولایت کې د دریو د ساتنې او څارنې پروژو کار پیل شو؛ په یادو حفظ او مراقبتي پروژو کې د سمنګان – مزارشریف لویې لارې اړوند د ۴۰ کیلومتره سړک د ویجاړو برخو ترمیم او داغګیري، د مزارشریف – کابل لویې لارې اړوند د دلخک سیمې د تلې دواړو لورو ته د ۳۶ متره سړک کانکریټ اچونه او د حضرت سلطان پُل ترمیم او بیارغونه په کې شامل دي.
د یادو حفظ او مراقبتي پروژو کار د ټولګټو وزارت او کرا په نوم له یوه خصوصي ودانیز، سوداګریز او لوژستیکي شرکت سره د ۲۲ میلیونه افغانیو په ارزښت قرارداد شوی دی.
د یادو پروژو د کار په جریان کې به د سیمې یو شمېر اوسېدونکو ته د کار زمینه برابره شي او د کار له بشپړېدو سره به یې د خلکو د تګ راتګ ستونزې د پخوا په پرتله هوارې شي.
