د کابل ـ جلال آباد لویه لار د ترافیکو پرمخ پرانیستل شوه
د ننګرهار ولایت د ټولګټو ریاست د تخنیکي پرسونل په هڅو د کابل ـ جلال آباد لویه لار د تېري شپې په ٢ بجې د موټرو د تګ راتګ پرمخ بیرته پرانیستل شوه.
دا لویه لار، د شدید باران، سیلاب راوتلو او پلګوټو د تخریب له کبله له پرون ورځې راهیسې د ترافیکو د تګ راتګ پر مخ بنده شوې وه، چې دا مهال پرانیستي ده او هیوادوال کولی شي چې تګ راتګ پرې وکړي.
د یادونې وړ ده، چې دا لویه لار د ترافیکي سونزې د حل په موخه په موقت ډول ترمیم او پرانیستل شوې، ټولګټو وزارت پلان لري چې ورسته دا لویه لار په اساسي ډول ترمیم کړي.
د ټولګټو وزارت رسنیز دفتر
