د هېواد دلویو لارو د نن ورځې وضعیت

 د سالنګونو لویه لار: په سالنګونو کې د واورې اورښت جریان لري یاده لویه لار دباروړونکو موټرو پرمخ بنده ده او مسافر وړونکي موټر د ځنځیر (چین) په تړلو سره د دواړو لورو تګ را تګ کولای شي.
همدارنګه د سالنګونو د څارنې او ساتنې ریاست پرسونل او ماشینري زیان منونکې نقطې د واورې له شتون څخه پاکوي.
بامیان:آسمان وریځ دی د واورې اورښت دامهال جریان لري او د شاطو کوتل لاره په موقت ډول د ترافیکو پرمخ بنده ده.
فراه: آسمان وریځ دی، د پرچمن ولسوالۍ لار د واورې د اورښت له امله د ترافیکو پرمخ بنده ده او د بارا د اورښت اټکل هم شته.
سرپل: آسمان وریځ دی، یوازې د قم کوتل لاره چې بلخ آب د سرپل سره وصلوي د واورې د اورښت له امله د ترافیکو پر مخ بنده ده. 
همدا راز په کابل،لوګر، میدان وردګ، پروان،پنجشیر، بد خشان، دایکندي، زابل، پکتیا، خوست، هلمند او فاریاب ولایتونو کې د واورې او باران اورښت جریان لري.
د یادونې وړده، چې د هیواد نورې لویې لارې او سړکونه د ترافیکو پرمخ پرانیستي دي.