د هیواد د سړکونو او لویو لارو د نن ورځې وضعیت:

د هیواد د سړکونو او لویو لارو د نن ورځې وضعیت: پنجشنبه د رجب المرجب ١١مه، ١٤٤٤ د سالنګ لویه لاره: په سالنګ کې د واوري اورښت دوام لري، خو یاده لویه لار، د ترافیکو د تګ راتګ پرمخ پرانیستي ده، چې دا مهال له ټیلري موټرو پرته باروړونکي موټر له شمال څخه جنوب ته او مسافر وړونکي موټر د ځنځیر (چاین) په تړلو سره له دواړو لورو تګ راتګ کولی شي. بامیان: د شت دیوالي – یکاولنګ، قناق کوتل او بند امیر لارې د واورو د سخت اورښت له امله بندې شوي دي، چې د پاکولو چارې یې جریان لري. غور: په دغه ولایت کې د بندبکک، بندبایان او بندکرمان لارې د واورو له امله بندې شوې دي، چې د پاکولو کار یې دوام لري، نوري ټولي لارې خلاصي دي. همدارنګه، په سرپل کې د قم کوتل لار، په بلخ کې د زاري ولسوالۍ اړوند لار او د زابل د نوبهار ولسوالۍ لار د واورو له امله بندې شوې دي. د یادوني وړ ده، چې د هیواد په یو شمېر نورو ولایتونو کې هوا وریېځ او د واوري او باران اټکل شوی، خو اړوند ټولي لارې یې د تګ راتګ په مخ پرانیستې دي.