ننګرهار: له رسوبي موادو څخه د جلال آباد – کونړ سړک د پاکولو کار جریان لري
د ننګرهار ولایت د ټولګټو ریاست لخوا؛ د دغه ولایت د کوزکونړ (ښېوې) ولسوالۍ اړوند د جلال آباد – کونړ سړک د پاکولو چارې جریان لري.
یاد سړک د سیلابونو د پاتې شونو، رسوبي موادو، خاورو او په ځینو برخو کې د غره لمنې د ښوېدنې له مله ډک شوی و، چې د کوز کونړ (ښیوې) ولسوالۍ اوسېدونکو ته یې د تګ راتګ پرمهال ستونزې رامنځته کړي وې.
د ننګرهار ولایت د ټولګټو ریاست د خلکو د تګ – راتګ ستونزې د هوارولو په موخه؛ د دغه سړک د پاکولو او هموارولو کار پیل کړ، چې دا مهال جریان لري.
