د هیواد د لویو لارو او سړکونو د نن ورځې وضعیت
سالنګونه: په سالنګونو کې نن ورځ هوا ورېځ ده او یاده لویه لار نن سهار ۸ بجې د کوچنیو وسایطو پرمخ پرانیستل شوه، که چیرې د واورې اورښت پیل شي ممکن یاده لویه لار د ترافیکو پر مخ بیرته وتړل شي.
غور: په غور ولایت کې هوا نیمه ورېځ ده، بند بکک مسیر د یاد ولایت د ټولګټو له لوري پاک کاري شوی دی؛ خو دغه مسیر د بامیان ولایت اړوند د لنډ مهال لپاره د ترافیکو پرمخ تړل شوی دی.
غزني: د غزني ولايت د ناور ولسوالۍ مسیر د واورې د تيز اورښت له امله د ترافیکو پرمخ موقتاً تړل شوی دی.
بامیان: د بامیان ولایت د شاتو او حاجیګک کوتلونو د پنجاب – آبقول کرمان، د دهن سیاه او پنجناب ولسوالیو مسیرونه په موقتي ډول د ترافیکو پرمخ تړل شوي دي.
دایکندي: په دایکندي ولایت کې د نیلي – قوناق، نیلي – اشتر او نیلي – ګیتي مسیرونه د ترافیکو پرمخ موقتاً تړل شوي دي.
دغه راز، په فاریاب ولایت کې د کوهستان ولسوالۍ او په سرپل ولایت کې د البدر ولسوالۍ مسیرونه د تیزې واورې د اورښت له امله د ترافیکو پر مخ موقتاً تړل شوی دی.
د ټولګټو وزارت ولایتي پرسونل او قراردادي شرکتونه بشپړ چمتووالی لري، چې د واورې د اوریدو پر وخت د هېواد ټول نښلونکې مسيرونه او سړکونه د ترافیکو پرمخ پرانيستي
دا په داسې حال کې ده چې په یادو ولایتونو کې یو شمېر نور مسیرونه هم د واورې اورښت او طوفانونو له امله د ترافیکو پرمخ موقتاً تړل شوي و، چې د اړوندو ولایتي ریاستونو او قراردادي شرکتونو په دوامداره هڅو بېرته پرانیستل شول.
