د افغان ټرانس اوسپنې پټلۍ د امکان سنجۍ ( شونتیا څېړنې) تفاهم نامه د ا.ا.ا په ارګ کې لاسلیک شوه
د افغان ټرانس اوسپنې پټلۍ د امکان سنجۍ ( شونتیا څېړنې) تفاهم نامه د ا.ا.ا د ټولګټو وزارت سرپرست وزیر محترم الحاج ملا محمد عیسی ثاني، د پاکستان د ريل پټلۍ او ازبکستان هېوادونو د ترانسپورت وزیرانو ترمنځ، د درې واړو هېوادونو د بهرنیو چارو وزیرانو په شتون کې لاسلیک شوه.
افغان ټرانس اوسپنیزه کرښه یوه ستراتیژیکه پروژه ده چې د افغانستان له لارې منځنۍ اسيا له جنوبي آسیا، سیمې او نړۍ هېوادونو سره نښلوي.
دغه کرښه شاوخوا ۶۸۱ کيلومتره اوږد والی لري چې په رغېدو سره به يې د منځنۍ آسيا هېوادونه وکولی شي د جنوبي اسیا او نړۍ هېوادونو په بازارونو کې خپل سوداګريزو او کرنیزو توکو ته ځای پیدا کړي.
د دغې پروژې په بشپړېدو سره به افغانستان په سیمه کې په ټرانزیټي څلور لارې بدل شي. او د یادې پروژې له لارې به افغانستان میلیونونه ډالر عاید تر لاسه کړي او ګڼ شمېر هېوادوالو ته به مستقيم او غير مستقيم ډول د کار زمینه برابره شي.
دغه راز به د منځني آسیا هېوادونه په خاص ډول ازبکستان له دغې لارې د جنوبی اسیا بندرونو په ځانګړي توګه د کراچۍ او ګوادر بندرونو ته لاره پيدا کړي.
د افغان ترانس پروژه د افغانستان د اقتصادي لید یوه برخه ده، او د ا.ا.ا له مهمو اقتصادي برنامو څخه شمېرل کېږي، چې موخه يې افغانستان په اقتصادي څلور لارې بدلول دي.
