داوطلبۍ ته د بلنې خبرتیا- د کابل ولایت ټولګټو ریاست ته څېرمه د تره خېلو تنګي په سیمه کې د ټولګټو وزارت د ملکیت د ۵٬۸۶۵ متر مربع ځمکې د اجارې ورکړې خبرتیا
Publish Date
Closing Date
ټولو محترمو داوطلبانو ته خبر ورکول کیږي، چې ټولګټو وزارت په پام کې لري؛ ترڅو د کابل ولایت ټولګټو ریاست ته څېرمه، د تره خېلو تنګي په سیمه کې د ټولګټو وزارت د ملکیت د ۵٬۸۶۵ متر مربع ځمکه په اجاره ورکړي.
له ټولو حقیقي اوحکمي اشخاصو څخه چې په دې برخه کې د پانګونې لېوالتیا لري په درنښت بلنه ورکول کېږي؛ تر څو خپلې اقتصادي او د تطبیق وړ طرحې د یادې ځمکې پر سر د بېلابېلو تأسیساتو لکه: (تجارتي، صنعتي، خدماتي او نورو) د جوړولو په موخه ترتیب او د (۱۴۰۵/۸/۱۴) نېټه، ۵شنبه ورځ (۱۰) بجو د ټولګټو وزارت د تدارکاتو ریاست د اجناسو آمریت ته، چې په صدارت څلورلارې کې، د کورنیو چارو وزارت پخوانۍ ودانۍ، د ملي احصایې او معلوماتو ادارې ترڅنګ موقعیت لري، د داوطلبۍ په پروسه کې ګډون وکړي. که د طرحې وړاندې کوونکی شخص نه وي استازی کولای شي ګډون وکړي؛خو باید له ځان سره رسمي لیک / مکتوب ولري .
یادې طرحې باید لاندې ټکي ولري:
۱- د ځمکې د کارونې هدف او روښانه ډول تشریح
۲- د وړاندیز شوو تأسیساتو ابتدایي طرحې نقشه او پلان
۳- اقتصادي تحلیل او د لګښتونو لومړنی اټکل
۴- د پروژې د تطبیق مهالویش
۵- د طرحې اقتصادي او ټولنیزې ګټې
۶- د اجارې موده (په کلونو او میاشتو)
۷- د میاشتنۍ کرایې وړاندیز، په واضح او مستند ډول
د اجرا تضمین: بریالی داوطلب مکلف دی چې د خپلې وړاندې شوې یوې کلنې کرایې معادل تضمین د بانکي تضمین یا نغدو پیسو په بڼه وړاندې کړي.
د طرحو د سپارلو او پرانیستلو وروستۍ نېټه: (۱۴۰۵/۸/۱۴) ، د سهار ۱۰ بجې
د طرحو د سپارلو ځای: د ټولګټو وزارت، د تدارکاتو ریاست، د اجناسو آمریت
یادونه: که چېرې یاده نېټه (۱۴۰۵/۸/۱۴) د دولت له خوا په ناڅاپي ډول رخصت اعلان شي، داوطلبي او د طرحو پرانیستنه به په بله کاري ورځ کې په همدې وخت او ځای کې ترسره شي.
