د بامیانو له نعل شیره تر شهیدانو دروازې پورې د سړک جوړولو کار ۸۶ سلنه بشپړ شوی

دا سړک چې څه باندې ۶ کیلومتره اوږدوالی لري، د بامیانو ولایت د مرکز اړوند له نعل شیره سیمې تر شهیدانو دروازې پوري غځیدلی دی، چې دا مهال یې د رغونې چارې له ۸۶ سلنه کاري پرمختګ سره دوام لري

د یادې پروژې رغنیز کار د څه باندې ۱۸ میلیونه افغانیو په ارزښت له دوو سیمه ییزو شوراګانو سره تړون شوې وې، چې اوس مهال یې د جوړولو کار بشپړیدو ته نږدې شوی

د دې پروژې د رغنیز کار په جریان کې په مستقیم او غیر مسقیم ډول ۱۵۶۹۵ کاري ورځې رامنځته شوي، چې له بشپړیدو سره به یې د بامیانو ولایت د مرکز اړوند، لدو، دروازها، نعل شیره ها او د شهیدانو کلي د یاد ولایت له مرکز سره ونښلي

همدارنګه به د یادو کلیو د اوسېدونکو ټرانسپورټي ستونزې ورسره هواري شي او د کرنیزو توکو په لېږد کې به تر پخوا ګڼې اسانتیاوي هم رامنځته شي

د ټولګټو وزارت ـ مطبوعاتي څانګه