د سالنګونو لویې لارې د نن ورځې وضعیت
نن ورځ په سالنګونو کې هوا لمر ده او یاده لویه لاره د ترافیکي وسایطو د تګ راتګ پرمخ پرانیستې ده. دا مهال مسافر وړونکي موټر له دواړو لورو او بار وړونکي موټر له جنوب څخه شمال لوري ته حرکت کولی شي او د ورځې په جریان کې برعکس هم د تګ اجازه ورکړل شي. د یادونې ده، چې د ټولګټو وزارت د سالنګونو د ساتنې او څارنې ریاست فني او تخنیکي پرسونل له شته ماشینري او امکاناتو څخه په ګټې اخیستنې سره د معمول په څیر د یادې لویې لارې د ویجاړو برخو په ترمیم او مسافرو ته د ترانسپورتي اسانتیاو په برابرولو بوخت دي.
