د ټولګټو سرپرست وزیر الحاج ملا محمد عیسی ثاني د فراه له قومي مشرانو سره وکتل
د ټولګټو وزارت سرپرست وزیر محترم الحاج ملا محمد عیسی ثاني تېره ورځ د فراه ولايت مقام په استازيتوب د قومونو او قبایلو چارو رئیس، الحاج مولوي تاج الدین منصور او ددغه ولایت د لسو ولسوالیو له قومي مشرانو، مخورو او سپین ږیرو سره په خپل کاري دفتر کې وکتل.
دغه قومي مشران او مخور، چې د یاد ولایت د خلکو د ستونزو د حل په موخه مرکز کابل ته راغلي وو، خپلې ستونزې او غوښتنې یې د ټولګټو وزارت له سرپرست وزیر سره شریکې کړې.
دوی د فراه ولایت د اساسي پروژو پر ځنډ او د ژوند د لومړنیو اړتیاوو پر کمښت اندېښنه وښوده او خپلې عمده ستونزې یې وړاندې کړې. لکه: د شیخ ابو نصر فراهي بندر سړک، د عمومي شاهراه، پرچمن او بکواه ولسواليو د سړکانو نشتون، چې د قومي مشرانو غوښتنې وې ترڅو ددې ستونزو د حل لپاره لازم اقدامات وشي.
د ټولګټو وزارت وزارت سرپرست وزیر محترم الحاج ملا محمد عیسی ثاني د قومي مشرانو او مخورو د ستونزو او وړاندیزونو تر اورېدلو وروسته وويل، چې فراه ولايت ته د خپل سفر پرمهال يې د ياد پروژې چارې له نږدې کتلي دي او د قراردادي شرکت، بهرنيو چارو وزارت او د ډيپلوماټيکي لارې د ايران هيواد سره هم موضوع شريکه شوې ده.
نوموړي قومي مشرانو او سپین ږیرو ته ډاډ ورکړ، چې ستاسو د زحمت او راتګ پخاطر به يادې غوښتنې او وړانديزونه د ا.ا.ا د مشرتابه له مقام سره هم شریک کړي.
هغه زیاته کړه، چې حکومت د ولس هوساینې ته ژمن دی او د اساسي پروژو د عملي کولو لپاره به لازم اقدامات او ګړندۍ هڅې ترسره شي
