د پنجشیر ولایت د ٤ کیلومتره عمومي سړک د ترمیم او داغګیري چارې بشپړي شوې
د پنجشیر ولایت ټولګټو ریاست لخوا د دغه ولایت د ٤ کیلومتره عمومي سړک د ترمیم او داغګیري کار بشپړ شو.
د دغه عمومي سړک د ترمیم او داغګیري کار، څه موده وړاندې د پنجشیر ولایت د ټولګټو ریاست لخوا پیل شوی و، چې تر دا مهاله ٤ کیلومتره ترمیم او داغګیري شوی دی.
دا سړک ټولټال ٧٠ کیلومتره اوږدوالی لري، چې اوس مهال د شتل ولسوالۍ له دالانسنګ سیمې څخه د درې ولسوالې تر چلپاوي بازار پورې داغګیري او ترمیم شو.
په ورته وخت کې، د دغه مسیر اوسیدونکي او موټر چلونکي د ټولګټو ریاست له دې کړنې څخه خوښي څرګندوي او د همکاري ډاډ ورکوي.
د ټولګټو وزارت رسنیز دفتر
