ننگرهار: د جلال آباد – تورخم پر لویه لاره د ډکي پُل د ترمیم کار په چټکۍ سره دوام لري
د ټولگټو وزارت له لخوا د جلال آباد – تورخم پر لویه لار د ډکي پل د ترمیم او بیارغونې چارې دوام لري.
د پل د ترمیم دا پروژه د ټولگټو وزارت له لوري له یوه خصوصي ودانیز شرکت سره قرارداد شوې ده، چې اوس مهال یې د بیارغونې چارې د دغه ولایت د انجنیرانو تر نظارت لاندې جریان لري.
د یادونې وړ ده، چې د دغې پروژې د کار پرمهال د سیمي گڼو اوسېدونکو ته کاري بوختیاوې هم رامنځته شوې دي.
ټولگټو وزارت ژمن دی؛ چې خپلو مالي امکاناتو ته پام سره هغه سړکونه، پلونه او پُلگوټي ترمیم او بیاورغوي چې له وړاندې د نه مراقبت له کبله په بشپړه توګه او یا یې هم ځینې برخې ویجاړې شوې دي.
د ټولگټو وزارت رسنیز دفتر
