هلمند: د ملنګ کاریز - ګرشک سړک او ۱۸ پایو پُلګوټو د ترمیم کار ۶۰ سلنه پرمختګ کړی
د ټولګټو وزارت له لوري د هلمند ولایت په نهر السراج ولسوالۍ کې د ملنګ کاریز - ګرشک غځیدلې سړک او د ۱۸ پایو پُلګوټو د ترمیم چارې دوام لري.
د سړک او د پُلګوټو د ترمیم دا پروژه د ټولګټو وزارت له لوري له یوه خصوصي ودانیز شرکت سره د څه باندې ۵ میلیونه افغانیو په ارزښت قرارداد شوې ده، چې تر دا مهاله یې د ترمیم کار شاوخوا ۶۰ سلنه پرمختګ کړی دی.
د دې پروژې د کار په جریان کې د سیمې اوسیدونکو ته په مستقیم او غیر مستقیم ډول د کار زمینه هم برابره شوې دی، چې د کار له بشپړیدو سره به یې د نهرالسراج ولسوالۍ د اوسیدونکو ترانسپورتي د پخوا په پرتله هواري شي او په اساني سره به تګ راتګ وکړي.
