په لغمان ولایت کې د شمشه خېلو پله رغنیزې چارې د ۳ میلیونه افغانیو په ارزښت پیل شوې
د ا.ا.ا د ټولګټو وزارت له لوري د لغمان ولایت د علیشنګ ولسوالۍ په شمشه خېلو کلي کې د یو پایه پل رغنیزې چارې د ۳ میلیونه افغانیو په ارزښت د لغمان والي محترم قاري بختیار معاذ، د یاد ولایت د ټولګټو رئیس محترم ملا همایون احمدي او یو شمېر مسؤلینو په شتون کې پیل شوې.
یاد پل ۷ متره اوږدوالی او ۹ متره پلنوالی لري، چې د مهترلام، عليشنګ او دولت شاه ولسوالیو سړک په اوږدو کې موقعیت لري او د شاوخوا درې میاشتو په موده کې به یې کار بشپړ او ګټې اخیستنې ته و سپارل شي.
د یادې پروژې په جریان کې د سیمې یو شمېر اوسېدونکو ته د کار زمینه برابره شي او په بشپړېدو سره به یې د اړوندو ولسوالیو خلک په آسانۍ سره تګ راتګ و کړي.
