د تولګټو وزارت له لوري په کاپیسا ولایت کې د څلورو ساتنې او څارنې پروژو کار د څه باندې ۹.۴ میلیونه افغانیو په ارزښت پیل شو

د تولګټو وزارت لخوا په کاپیسا ولایت کې د ساتنې او څارنې د څلورو  پروژو کار د يو شمير سېمه اییزو مسولینو په شتون کې پیل شو.
د دغو پروژو کار د ټولګټو وزارت لخوا د څلورو ودانیزو او سړک جوړونې شرکتونو سره ۹۴۶۷۷۸۳ میلیونه افغانیو په ارزښت قرارداد شوی، چې لګښت یې د دغه وزارت لخوا ورکول کیږي.

۱ـ لومړی پوژه د دغه ولایت له ګلدان سېمې څخه پیل تر ګلبهار پل پورې، د  ۱۶ کیلو متره سړک د فرش، استنادي دیوال او د تګاب ولسوالۍ د لوؤتناژ تلې د سړک د ترمیم کاردی چې د (۳۶۵۰۰۰۰) افغانیو په ارزښت د کلستان دایکندي ودانیز او سړک جولونې شرکت سره قرارداد شوی چې د ۴ میاشتو په موده کې به یې کار بشپړ شي.
۲- له ګلدان چوک څخه تر احمد بیک تپې پورې د ۶ پایو پلګوټو او استنادي دیوال د ترمیم کار دی چې د ترمیم کارې د دغه وزارت  لخوا د ( ۱۹۹۴۰۰۰) افغانیو په ارزښت د عبد الصبور مجیدي ودانیز او سړک جوړونې شرکت سره قرارداد شوی چې په ۳ میاشتو کې به یې چارې بشپړې شي.
۳- له تپه احمد بیک تر شینکی دوه لارې پورې د ۴ پایو پلګوټو د ترمیم کار چې د دانیالمیتد له ودانیز او سړک جوړونې شرکت سره د (۱۹۹۴۱۰۵) افغانیو په ارزښت قرارداد شوی، چې د ۳ میاشوتو په موده کې به یې چارې پای ته ورسږي.
۴-  د ولایت مقام څخه تر پل صیاد، له ماچي تر ده بابا علی او له ګلدان سیمې څخه تر شنکي دولارې او تګاب ولسوالۍ پورې د سړک د غالۍ، دترمیم کار دی چې د کاپیسا ولایت د ټولګټو ریاست پرسونل  لخوا یې چارې  د( ۱۸۲۹۶۷۸) افغانیو په ارزښت پر مخ وړل کیږي چې په ۳ میاشتو کې به یې چارې بشپړې شي.
د یادونې وړده چې د دغو پروژو د کار له بشپړيدو سره به د خلکو ترانسپورتي ستونزې د پخوا په پرتله هوارې شي او خلک به په آسانۍ سره تګ راتګ وکړي.