د پکتیکا – زرمت ۳۸.۷ کیلومتره سړک د اساسي رغونې چارې پیل شوې
د ا.ا.ا دټولګټو وزارت لخوا د پکتیکا – زرمت سړک د اساسي رغونې عملي چارې نن ورځ د یو شمېر سیمه ییزو مسوولینو په شتون کې پیل شوې.
د پکتیکا – زرمت سړک د ۳۸.۷ کیلومتره په اوږد والي سره د پکتیکا ولایت له مرکز ښرنې څخه پیل د پکتیا ولایت تر زرمت ولسوالۍ پورې رسیږي، چې د اساسي رغونې چارې یې د ټولګټو وزارت لخوا د عرفان هلال او فردوس هېواد ودانیزو او سړک جوړونې شرکتونو سره قرارداد شوې دي.
د یاد سړک په بشپړېدو سره به د پکتیکا او پکتیا ولایتونو ترمنځ د سوداګریزو او کرنیزو محصولاتو انتقالات چټک او د خلکو د تګ راتګ ستونزې به حل شي.
د یادونې وړده، چې د یادې پروژې د کار په جریان کې د سیمې اوسیدونکو ته، په مستقیم او غیر مستقیم ډول دکار زمینه براربره شوې ده.
