د خواف ـ هرات د اوسپنې پټلۍ  څلورمې قطعې د لومړی فاز رغنیزې چارې ۸۷ سلنه بشپړې شوې دي

kalim_admin
سه‌شنبه ۱۴۰۴/۴/۱۷ - ۱۲:۳۰
د خواف ـ هرات د اوسپنې پټلۍ  څلورمې قطعې د لومړی فاز رغنیزې چارې ۸۷ سلنه بشپړې شوې دي

د خواف ـ هرات د اوسپنې پټلۍ پروژه څلور برخې لري، چې له دې جملې دوې برخې یې د ایران هېواد اړوند او درېیمه برخه یې د هرات ولایت تر روزنک استیشن پورې رسیږي، چې رغنیزې چارې یې بشپړې شوې دي او دا مهال ترې عملاً ګټه اخیستل کېږي.

څلورمه برخه يې دوه فازونه لري، چې لومړی فاز یې ۴۳ کیلومتره او دویم فاز یې د ۴۷ کیلومتره په اوږدوالي سره د افغانستان د هرات ولايت صنعتي ښارګوټي ته رسیږي.

د خواف-هرات د اوسپنې پټلۍ د څلورمې قطعې د لومړي فاز رغنیزې چارې د  ټولګټو وزارت لخوا د یو قزاقستاني شرکت سره قرارداد شوي دي.

د یادې پروژې د زیربنايي (کیندلو او ډکولو) برخې ۹۶ سلنه او د ریل نصبولو چارې يې ۸۵ سلنه بشپړې شوي دي.

په دغه پروژه کې  شاوخوا ۸۱ پايو پلګوټو او ۵ پايو لويو پلونو کار هم شامل دی چې له ډلې یې د ټولو پلګوټو او د ۳ لويو پلونو کار بشپړ شوی دی.

د يادې پروژې په لومړۍ برخه کې د مسافرو د خوندي او هوسا تګ راتګ په موخه ۶ عدده د تګ او راتګ ځايونه په پام نيول شوي دي، چې رغنيزې چارې يې ۲۵ سلنه کاري پرمختګ لري او دغه راز د سوداګریزو توکو او مسافرینو د تخليې او بارګيرۍ او د اورګاډي د سبقت لپاره، په رباط پریان سیمه کې په عصري امکاناتو يو مجهز تمځای طرحه شوی، چې شاوخوا ۲۰ سلنه فزیکي کاري پرمختګ لري.

د یادونې وړ ده، چې د خواف-هرات اوسپنې پټلۍ پروژې په بشپړېدو سره به افغانستان د اوسپنې پټلۍ له لارې د ګاونډیو، سیمې او نړۍ له هېوادونو سره وصل شي، د سودا ګریزو توکو د لېږد رالېږد بیې د کمښت او چټکتیا ترڅنګ به د سیمو ترمنځ واټن رالنډ او د افغانستان تولیدي توکي به د نړۍ بازارونو ته لاره ومومي.

...

2 کلونه ۱ میاشت ago

...

...

تازه خبرونه

سه‌شنبه ۱۴۰۴/۴/۱۷ - ۱۲:۳۰
Background image

د خواف ـ هرات د اوسپنې پټلۍ  څلورمې قطعې د لومړی فاز رغنیزې چارې ۸۷ سلنه بشپړې شوې دي

د خواف ـ هرات د اوسپنې پټلۍ پروژه څلور برخې لري، چې له دې جملې دوې برخې یې د ایران هېواد اړوند او درېیمه برخه یې د هرات ولایت تر روزنک استیشن پورې رسیږي، چې رغنیزې چارې یې بشپړې شوې دي. . .

دوشنبه ۱۴۰۴/۴/۱۶ - ۱۱:۲
Background image

په تېرو دوو اوونيو کې د اوسپنې پټلۍ له لارې (۱۶۴۶۷۱) مټریک ټنه انتقالات شوي دي

په تېرو دوو اوونيو کې (د ۱۴۰۴ هـ.ش. کال د جوزا له ۳۰مې څخه د سرطان تر ۱۲مې) نېټې پورې د  ټولګټو وزارت د اوسپنې پټلۍ له لارې (۱۶۴۶۷۱) مټریک ټنه انتقالات شوي دي.

د حیرتان بندر له لارې (۱. . .

دوشنبه ۱۴۰۴/۴/۱۶ - ۸:۱۷
Background image

د جلال آباد - کونړ عمومي سړک چې د وروستیو اورښتونو او سېلابونو له امله د ترافیکو پرمخ تړل شوی وو دا مهال بیرته پرانیستل شو

 د وروستیو اورښتونو او سېلابونو راوتلو له امله د جلال آباد – کونړ عمومي سړک د کوز کونړ ولسوالۍ په مربوطاتو کې او د دره نور ولسوالۍ سړک د لنډ وخت لپاره د ترافیکو پرمخ تړل شوي وو، چې دا. . .

BACK TO NEWS