د کلیو د لار جوړونې ملي پروګرام ټولګټو وزارت ته انتقال شو.
د کلیو د لار جوړونې ملي پروګرام ټولګټو وزارت ته انتقال شو.
د کب ۲۴، ۱۳۹۹
د هیواد د جلالتمآب ولسمشر د حکم پر اساس د کلیو د لار جوړونې ملي پروګرام (NRAP) د کلیو د بیا رغونې او پراختیا له وزارت څخه ټولګټو وزارت ته انتقال شو.
دا پروګرام چې وړاندې تر دې دواړو وزارتونو په ګډه توګه پر مخ وړلو له دې وروسته به یې ټولګټو وزارت رهبري کوي چې پر مهال به یې ډېرې پروژې په کلیوالي سیمو کې پلي شي.
د ټولګټو وزیر انجنیر نجیب الله یمين د دې پروګرام له مسؤلینو سره په لیدنه کې هغوی ته ښه راغلاست ووایه او غوښتنه یې ترې وکړه چې د ټولو لپاره باید اجنډا افغانستان جوړونه وي او له هر ډول فساد څخه په پاکې روحیې باید چارې پر مخ یوسي.
ښاغلي وزیر د انرپ پروګرام مهم وباله او په هغه کې یې په کار پوه او مسلکي کسان په نښه کړل چې باید چارې یې پر مخ یوسي.
د ټولګټو وزیر زیاته کړه له پلان سره سم به یو تخنیکي انسټیټیوټ جوړ کړي چې په هغه کې به له تخنیکي پلوه د لابراتوار، ډيزاین سروې او نورو اړینو برخو لپاره بشري ځواک وروزل شي.
په ورته مهال د کلیو د لار جوړنې ملي پروګرام مسؤلینو هم خوښي څرګنده کړه چې د رهبرۍ بشپړ ملاتړ له ځان سره لري او ډاډ یې ورکړ چې په بشپړې رښتینولۍ به چارې پر مخ وړي.
