په بلخ کې د ۱۴.۵ کیلومتره سړک رغنیز کار ۴۳ سلنه کاري پرمختګ لري
دا سړک چې ۱۴.۵ کیلومتره اوږدوالی لري د بلخ ـ شبرغان له عمومي سړک څخه پیل د نهري شاهي ولسوالۍ تر بابه قچقار کلي پورې غځيدلی چې تر دې مهال یې د جوړلو چارې ۴۳ سلنه بشپړې شوي
د دغه سړک رغنیز کار د څه باندې ۱۴۸ میلیونه افغانیو په ارزښت د ټولګټو وزارت له لوري د کلیو د لار جوړولو ملي پروګرام تر چتر لاندې د افغانستان دولت په مالي لګښت جوړېږي
د یاد سړک پرمټ به نهري شاهي ولسوالۍ د بلخ له مرکز مزارشریف ښار سره ونښلوي او د دې ولسوالۍ شاوخوا ۹۰۰ کورنیو ترانسپورتي ستونزي به هواري شي
همدارنګه د یادې پروژې د کار پرمهال د سیمې اوسېدوونکو ته ۱،۱۹۶ کاري ورځې رامنځته شوي
ټولګټو وزارت ـ مطبوعاتو څانګه
