د خوست مرکز اړوند پنزایې کلي سړک د جوړولو چارې ۴۷ سلنه کاري پرمختګ لري
د خوست ولایت مرکز اړوند پنزایې کلي سړک چې تر یو کیلومتر ډیر اوږدوالی لري اوس مهال یې د جوړلو چاري څه باندي ۴۷ سلنه بشپړې شوي.
دا سړک چې مالي لګښت یې د ټولګټو وزارت له پراختیایي بودیجې څخه کول کیږي، د جوړلو تړون يې له یو خصوصي ودانیز شرکت سره د څه باندې ۳۶ میلیونه افغانیو په ارزښت لاسليک شوی دی.
د یادولو وړ ده، چې د پنزایې کلي سړک په جوړیدا سره به د بوڅيخېل، علیداییه او د میاخېلو کلي له خوست ښار سره ونښلي او د پخوا په پرتله به د تګ راتګ په برخه کې ګڼې اسانتیاوې رامنځته کړي.
