د هیواد په یو شمیر ولایتونو کې د بندو لارو د خلاصولو کار دوام لري
په زابل، غزني، پروان، پکتيکا او کنړ ولایتونو کې د ورستیو اورښتونو او سیلابونو را وتلو له کبله د ځینو بندو لارو د پرانیستلو او له رسوبي موادو څخه د پاکولو کار په چټکۍ سره دوام لري.
زابل: د قلات ـ شینکۍ ولسوالې غځېلي لار دا مهال د تګ راتګ پرمخ بنده ده، د یاد ولایت د ټولګټو ریاست له لوري یې د پرانیستلو او پاکونې کار جریان لري.
غزني: د اوبو د ډیروالي له امله د مقر ولسوالۍ اړوند د کابل ـ کندهار لویې لارې په شمول ځینې سړکونه تر اوبو لاندې شوې دي، چې د مالي او ځاني زیانونو احتمال شتون لري، د یاد ولایت د ټولګټو ریاست پرسونل هڅه کوي تر څو یادې لارې پاک کاري او په بشپړ ډول د ترافیکو پرمخ خلاصي کړي.
پروان: د ورستيو سیلابونو له کبله د پروان ـ بامیانو مسیر د شینوارو او سیاګرد ولسوالیو په اړوند سیمو کې بند شوی و، چي دامهال د تګ راتګ پرمخ پرانیستل شو او په ځینو سیمو کې پاک کاري لا هم دوام لری.
پکتیکا: د ښرنې-انګور اډې لویه لار چي د ورستيو سیلابونو له کبله ویجاړه شوې وه، دا مهال یې د یاد ولایت د مقام په مالي ملاتړ د بیا رغوني چاري پيل شوې دي.
کنړ: په سیلاب ځپلو سیمو کې د بندو لارو د خلاصون او له رسوبي موادو څخه د پاکولو کار دوام لري.
ټوګټو وزارت له ټولو موټر چلونکو څخه غوښتنه کوي، چې په سیلاب ځپلو مسیرونو کې دي د تګ راتګ پرمهال له ډیر احتیاط څخه کار واخلي او ترافیکي قوانین دې په پام کې ونیسي، تر څو چاته مالي او ځاني زیان ونه رسیږي.
د ټولګټو وزارت رسنیز دفتر
