په بغلان ولایت کې د پلخمري – دوشي سړک د ترمیم او داغګیرۍ چارې د څه باندې ۳۷.۹ میلیونه افغانیو په ارزښت پیل شوې
د ټولګټو وزارت له لوري په بغلان ولایت کې د پلخمري – دوشي سړک د ترمیم او داغګیرۍ چارې د څه باندې ۳۷.۹ میلیونه افغانیو په ارزښت د یاد ولایت د والي محترم الحاج مولوي عبد الرحمن حقاني، د یاد ولایت د ټولګټو رئیس محترم الحاج مولوي عبدالنصیر شیخ زاده او یو شمېر سیه ییزو مسئولینو په شتون کې رسماً پیل شوې.
دغه سړک شاوخوا ۲۸ کیلومتره اوږد والی لري، چې د هېواد له پلازمیني سره ۹ شمالي ولایتونه نښلوي دیاد سړک د ترمیم او داغ ګیرۍ چارې به د ۵ میاشتو په موده کې بشپړې شي.
د دغې پروژې د کار په بشپړیدو سره به د هېوادوالو د تګ راتګ، د سوداګریزو او کرنیزو توکو د انتقالاتو ستونزې هوارې شي.
