د کاپیسا د نجراب ولسوالۍ سړک چارې ۲۴ سلنه کاري پرمختګ لري
د کاپيسا ولايت د نجراب ولسوالۍ سړک چې د ټولګټو وزارت له لوري په څلورو برخو (حود ، جورغل ، خارج او غچولان دره) کې جوړيږي رغنيزې چارې یې تر دې مهاله ۲۴.۵ سلنه بشپړې شوې دي.
ياد سړک څه باندې ۱۵ کيلومتره اوږدوالی، ۶.۶ متره پلنوالی د ۳۰ او ۷۰ متره په اوږدوالي سره ۲ پايې پلونه او ۱۱۹ پايې پُلګوټي لري چې د جوړلو تړون يې له يوه خصوصي ودانیز شرکت سره شوی او د افغانستان له ملي بودیجې څخه رغول کيږي.
د یاد سړک د رغنېز کار له بشپړېدو سره به څو ولسوالۍ سره ونښلي او دغه راز به په کرهڼه او اقتصادي برخه کې مثبت بدلون رامنځته کړي.
