د مهترلام ــ بادپښ دویم لاټ سړک رغنیزې چارې ۵۶ سلنه کاري پرمختګ لري
په لغمان ولایت کې د مهترلام - بادپښ دویم لاټ سړک چې څه باندې ۲۱ کیلومټره اوږدوالی او ۶ متره پلنوالی لري، دا مهال یې د رغیدا چارې له څه باندې ۵۶ سلنه کاري پرمختګ سره دوام لري.
د یاد سړک د جوړولو تړون د تولګټو وزارت له لوري له یو خصوصي ودانیز شرکت سره لاس لیک شوی او ټول مالي لګښت یې د افغانستان دولت له پراختیایي بودیجې څخه ورکول کېږي.
د مهترلام – بادپښ سړک په بشپړیدو سره به د بادپښ ولسوالۍ ګڼې سیمې د لغمان ولایت له مرکز مهترلام ښار سره ونښلي، چې پرمټ به یې مارکیټونو ته د کرنیزو توکو په خوندې او خپل وخت ولېږدول شي همداراز به روغتیایي او ښوونیزو مرکزونو ته د یادې ولسوالۍ د اوسېدوونکو لاس رسی د پخوا په پرتله اسانه شي.
