د کابل – پروان لویې لارې د ترمیم، ساتنې او څارنې چارې دوام لري
د کابل - پروان لویه لار د صوفیانو له پل څخه د کابل ولایت تر دروازې پورې په دوو لینونو کې د کابل ولایت د ټولګټو ریاست له لوري ترمیم، ساتل او څارل کیږي.
یاده لویه لار چې ۴۰ کیلومتره اوږدوالی لري اوس مهال یې د کابل ولایت د ټولګټو ریاست د ماشینرۍ په مرسته د داغل شویو برخو او همدارنګه د سړک په اوږدو کې رامنځته شوي درزونه، ترمیم او بیا رغول کیږي.
ټولګټو وزارت هڅه کوي چې هیوادوالو ته د ترانسپورتي اسانتیاو د رامنځته کولو او د سړکونو له ډير تخریب څخه د مخنیوي په موخه له پلان سره سم د هیواد له ټولو لویو لارو څخه ساتنه او څارنه وکړي.
