لغمان: د کابل ــ ننګرهار لویې لارې د پاکولو چارې بشپړې شوې
د لغمان د ټولګټو ریاست، لخوا د کابل - جلال آباد د لویې لارې هغه برخې پاکې شوې؛ چې د اورښتونو او سختو سیلابونو له کبله یې د ترافیکو په تګ راتګ کې خنډ رامنځته کړی وو.
د ورستیو سېلابونو د راوتلو له کبله د کابل - جلال آباد لویه لار په درونټې سیمه کې د سړکونو سطحو ته زیان اړولی وو او په یاده لار یې خلک د تګ - راتګ پرمهال له ګڼو ستونزو سره مخ کړي وو.
د لغمان د ټولګټو ریاست کارکوونکو له خپلې شته ماشینرۍ څخه په ګټې اخیستنې، یاده لویه لار د سیلابونو له پاتې شونو څخه پاکه او د ټرافیکو پرمخ په بشپړ ډول سره پرانیستله.
اوس مهال وضعیت عادي دی او د نقلیه وسایطو د تګ راتګ پر وړاندې رامنځته شوي خنډونه له مخې لیرې شوي دي.
