نورستان: د خلکو د ترانسپورتي ستونزو د هوارولو په موخه د لرګي پل جوړ شو
د نورستان ولایت په واما ولسوالۍ کې د خلکو د ترانسپورتي ستونزو د هوارولو په موخه په لنډ مهالې توګه یوه پایه د لرګیو پُل جوړ او ګټې اخیستلو ته وسپارل شو.
دغه پل، چې ۸ متره اوږدوالی او ۴ متره سور لري؛ د ۵ مترو په ارتفاع، ۴۰ متره بولډروال او ۲۴۰ متره مکعب پُرکاري په درلودلو سره جوړ شوی دی.
د یاد پل چارې د ټولګټو ریاست لخوا د دغه ولایت د مقام په مالي همکاري د ۲.۵ سوه زره افغانیو په ارزښت ترسره شوې.
د یادونې وړ ده، چې په دغه سیمه کې له وړاندې کانکریټي پل شتون درلود، چې سېلابونو ویجاړ کړی او له امله یې خلک له سختو ترانسپورتي ستونزو سره مخ وو، چې ځینې وخت به د اورښتونو پرمهال لاره د ترافیکو پرمخ بندېده.
د خلکو دغو ستونزو د هوارولو په موخه یاد پل په لنډ مهالې توګه جوړ شوی، چې د مالي امکاناتو په تأمین به له پلان سره سم ویجاړ شوی پل په اساسي ډول جوړ شي.
