د سالنګ لویې لارې د نن ورځې وضعیت:
نن ورځ په سالنګونو کې هوا وریېځ ده، د واورې اورښت جریان لري او یاده لویه لار د ترافیکو د تګ راتګ پرمخ پرانیستې ده؛ دا مهال مسافر وړونکي موټر له دواړو لورو او بار وړونکي موټر له جنوب څخه شمال لوري ته تګ کولای شي.
د یادونې وړ ده، چې د ټولګټو وزارت د سالنګونو د ساتنې او څارنې ریاست پرسونل د معمول په څیر د یادې لویې لارې د ځینو وجاړو برخو په ترمیم، جغل اچونه او پاک کارۍ بوخت دي.
همدارنګه، د ګواره سنګ، هفته نور او سنګ نوشته په ساحو کې شاوخوا ۴۵ سانتي متره واوره اورېدلې او لا هم جریان لري، چې د سالنګونو د ساتنې او څارنې ریاست پرسونل له لوري یې د پاک کاري چارې جریان لري.
