د ترینکوت – دهراود ۵۰ کیلومتره سړک د اساسي رغونې کار جریان لري
د اروزګان ولایت، د ترینکوت – دهراود ٥٠ کیلومتره سړک د اساسي رغونې کار جریان لري.
دا سړک، چې ۵۰ کیلومتره اوږدوالی، ۷ متره پلنوالی، ۳ متره د سړک غاړې لري؛ د اروزګان ولایت د مرکز ترنیکوټ له کاش خنجک سېمې څخه پیل د دهراود ولسوالۍتر پُل چتو سیمې پورې غځېدلی دی.
د سړک په دغه پروژه کې د ۲ پایې پُلونو، ۲ بستره واشونو او ۱۶۲ پایې پلګوټو د ترمیم او بیا رغونې کار هم شامل دي چې دا مهال یې چارې جریان لري.
د یاد سړک په ترمیم او رغونې سره به د یاد ولایت د اوسېدونکو ترانسپورتي ستونزې د پخوا په پرتله هوارې شي او خلک په آسانۍ سره تګ راتک وکړي.
