په لوګر کې د ۲۵ میلونه افغانیو په ارزښت دوه د ساتنې اوڅارنې پروژې پیل شوې
د ټولګټو وزارت لوري؛ په لوګر ولایت کې د ۶۵۰ متره استنادي دیوال او ۱۶ پایې پُلګوټي د ترمیم او بیا رغونې کار پیل شو. د ترمیم او بیارغونې دغه پروژې، د ټولګټو وزارت او یوه خصوصي ساختماني او سړک جوړونې شرکت ترمنځ د ۲۵ میلیونه افغانیو په ارزښت قرار داد شوي، چې لګښت یې د ټولګتو وزارت لخوا ورکول کیږي، چې د یادې پروژې د تطبیق موخه د کابل ۔ ګردیز لویې لارې له ویجاړېدو څخه مخنیوی دی. د يادونې وړ ده، د ساتنې او څارنې دغې پروژې کار به په ۴۵ ورځو کې بشپړ شي، چې د کار په جریان کې د سیمې يو شمېر اوسېدونکو ته د کار زمينه هم برابره شي.
