د ایبک – پلخمری لویې لارې د ترمیم او بیا رغونې کار د ۱۰ میلیونه افغانیو په ارزښت پیل شو
د ایبک – پلخمري لویې لارې د ترمیم او بیا رغونې کار د سمنګان ولایت د والي محترم الحاج عبدالاحد فضلی، د یاد ولایت د ټولګټو درئیس ملا انجنیر رئیس آغا او د دغه ولایت د ځینو نورو سیه اییزو مسؤولینو په شتون کې رسماً پیل شو.
د ایبک ۔ پلخمري دغه برخه ۴۷ کیلومتره اوږدوالی لري، چې د ترمیم او بیا رغونې کار یې د ټولګټو وزارت او آریا رسولي ودانیز او سړک جوړنې شرکت ترمنځ د ۱۰ میلیونه افغانیو په ارزښت سره قرارداد شوی دی.
د یادې پروژې د کار په جریان کې به د سیمې یوشمېر اوسېدونکو ته د کار زمینه برابره شي او په بشپړېدو سره به یې د خلکو د تګ راتګ ستونزې د پخوا په پرتله هوارې شي.
