په ننګرهار ولایت کې د مومندرې ولسوالۍ اړوند د باسول په سیمه کې یو پایه کیبلي پل رغول کیږي
د ټولګټو وزارت سرپرست وزیر محترم الحاج ملا محمد عیسی ثاني، د ننګرهار ولايت والي محترم الحاج ملا محمد نعیم آخُند، د ریاست الوزراء ځانګړي استازي حاجي ملا لعل محمد آخُند، د ياد ولایت د ټولګټو رئیس محترم مولوي احمد احمدي، د دغه وزارت د کنترول او کیفیت رئیس انجنیر ذبیح الله نادري او یو شمېر نورو سمییزو مسئولینو د ننګرهار ولایت د مومندرې ولسوالۍ اړوند د باسول په سیمه کې د سیند د هغې برخې څخه تېره ورځ ليدنه وکړه، چې څه موده مخکې پکې کیښتۍ ډوبه شوي وه.
د ټولګټو وزارت سرپرست وزیر د یاد وزارت تخنیکي ټیم ته لارښوونه وکړه چې په یاده سیمه کې دې تر سروې او برآورد وروسته د یو پایه کیبلي پل د رغولو په اړه لازم اقدام وکړي تر څو هېوادوالو ته دتګ راتګ په برخه کې آسانتیاوې رامنځ ته شي او د داډول پیښو مخ نیوی وشي.
د يادونې وړ ده، په ننګرهار ولایت کې د مومندرې ولسوالۍ اړوند د باسول په سیمه کې یوه اونۍ وړاندې یوه بېړۍ په سیند کې ډوبه شوې وه او یو شمېر هېوادوال پکې په شهادت رسېدلې وو؛ نو په همدې اساس ټولګټو وزارت د هېوادوالو د خوندي تګ راتګ لپاره په یاده سیمه کې یو پایه کیبلي پل رغوي چې دغه پل به د یادې ولسوالۍ څو کلي د جلال آباد – تورخم لويې لارې سره ونښلوي چې دغه پل د يادو کليو د اوسيدونکو په همغږۍ سره رغول کېږي.
دغه راز د ټولګټو وزارت سرپرست وزیر او ورسره مل پلاوي په دغه سفر کې د ژيړی بابا له پل څخه هم لیدنه وکړه
