په هرات کې د ۲.۵ کیلومتره سړک د جوړلو کار ۶۳ سلنه بشپړ شوی
دا کانکریټي سړک چې ۲.۵ کیلومتره اوږدوالی لري، د هرات د ګذره ولسوالۍ له ازادي سیمې څخه تر علي آباد کلي پورې غځيدلی دی، تر دې مهاله یې د جوړلو کار ۶۳ سلنه بشپړ شوی
دا پروژه د څه باندې ۲۳ میلیونه افغانیو په ارزښت له دوو سیمه ییزو شورای ګانو سره تړون شوي چې مالي لګښت یې د هیواد له ملي بودیجې څخه ورکول کیږي
د دې سړک د رغنیز کار پر مهال، په مستقیم او غیر مستقیم ډول ۲،۴۷۴ تنو ته د کار زمینه برابره شوي چې له بشپړیدو سره به یې د ګذره ولسوالۍ ۸ کلي د یادې ولسوالۍ له مرکز سره ونښلوي چې ترانسپورتي ستونزې به یي ورسره هواري شي
ټولګټو وزارت ـ مطبوعات
