پکتيا: د ګردیز ـ زرمت سړک رغنیزې چارې دوام لري
د ګردیز ـ زرمت د څلورمې برخې لومړی لاټ سړک، چې ۱۲ کیلومتره اوږدوالی او ۷ متره عمومي پلنوالی لري، چې ۲ متره یې سړک غاړې په بر کې نیسې.
دا پروژه د څه باندې ۳۴۷ میلیون افغانیو په ارزښت له یوه خصوصي ودانیز شرکت سره تړون شوي، چې اوس مهاله یې رغنیزې چارې له ۱۴ سلنه کاري پرمختګ سره دوام لري.
د دې سړک د رغنیز کار له بشپړیدو سره به زرمت ولسوالۍ د پکتیا له مرکز ګردیز سره ونښلي، همدارنګه به د یاد سړک پرمټ پکتیا ولایت له پکتیکا او غزني ولایتونو سره هم وصل شي.
ترڅنګ به یې د زرمت ولسوالۍ د اوسېدونکو ترانسپورتي ستونزي هواري شي، ښوونیزو او روغتیايي مرکزونو ته به د خلګو لاس رسی تر پخوا اسانه شي.
د ټولګټو وزارت رسنیز دفتر
