د میدان وردګو په سیدآباد ولسوالۍ کي د يوه ۴۵ متره پُل رغنیزې چارې ۳۰ سلنه کارې پرمختګ لري
دا اوسپنیز کانکریټي پُل چې ۴۵ متره اوږدوالی او ۱.۲۴ کیلومتره نښلونکی جغلي سړک لري، د میدن وردګو ولایت د سید آباد ولسوالۍ په جان خان کلي کې جوړیږي، چې تر دې مهاله يې رغنیزې چارې له ۳۰ کاري پرمختګ سره دوام لري.
د یادې پروژې د رغونې کار د څه باندې ۲۲ میلیون افغانیو په ارزښت د ټولګټو وزارت او یوه خصوصي ودانیز شرکت ترمنځ تړون شوی چې مالي لګښت یې د هیواد له ملي بودیجې څخه ورکول کیږي.
د دې پروژې د رغنیز کار له بشپړیدو سره به د سید آباد ولسوالۍ د جان خان کلي په ګډون د ګڼو نور کلیو د اوسېدونکو د تګ ـ راتګ ستونزې هوارې شي، همدارنګه د دې پروژې د رغنیز کار په جریان کې به د سیمې اوسیدونکو ته په مستقیم او غیر مستقیم ډول ۶۵۰ کاري ورځې هم رامنځته کړي.
د ټولګټو وزارت رسنیز دفتر
