د قراردادي شرکتونو د مالي ستونزو د حل په موخه ناسته ترسره شوه
د ټولګټو وزارت د سړکونو د ساتنې او څارنې معین محترم الحاج ملا عبدالجبار معاون او د دې وزارت مالي او ادارې معین محترم ملا بخت الرحمن شرافت د قراردادي شرکتونو له یو شمیر استازو سره د یادو شرکتونو د مالي ستونزو د حل په موخه ناسته وکړه.
دا ناسته، چې د قرآن عظیم شان د څو مبارکو ایاتونو په تلاوت سره پیل شوه، لومړی د قراردادي شرکتونو په نوبت سره خبرې وکړې، د شرکوتنو مالي ستونزې یې شریکي کړې او د ټولګټو وزارت له رهبري څخه یې د قراردادي شرکتونو د انوایسونه د اجرأ او د بانکي تضمینونو د ورکړي غوښتنه یې وکړه.
ورپسې د ټولګټو وزارت مالي او ادارې معین خبرې وکړې او قراردادي شرکتونو ته یې ډاډ ورکړ چې د رغنیزو پروژو د ترسره شويو کارونو انوایسونه ستاسو حق دی، د ټولګټو وزارت رهبري هڅه کوي تر څو د شرکتونو مالي ستونزې هوارې کړي.
ورسته د ټولګټو وزارت د سړکونو د ساتنې او څارنې معین خبرې وکړې وویي ویل: کورني قراردادي شرکتونو د هیواد ملي پانګه او د هیواد په بیارغونه کې یې پوره ونډه اخیستې ده، هغه زیاته کړه ټولګټو وزارت د ۱۴۰۱ ه ش کال، په بودیجوي پلان کې د شرکتونو د انوایسونو اجرأ کول او د نیمګړو پروژو د کار بشپړولو ته لومړیتوب ورکړی دی، هغه همدارنګه زیاته کړه ، ټولګټو وزارت ټول شته امکانات په کار اجولي تر څو د قراردادي شرکتونو مالي ستونزو ته حل لار پیدا کړي او د ا.ا.ا، له رهبري سره به هم دا ستونزه شریکه کړي.
